Աշխարհի ամենատարեց նախագահը կրկին կառաջադրի իր թեկնածությունը

Աշխարհի ամենատարեց նախագահը՝ 92-ամյա Պոլ Բիան, կրկին կառաջադրվի Կամերունի ղեկավարի պաշտոնում։ Այս մասին տեղեկությունը տարածվել է X-ում։

Բիան հայտարարել է, որ առաջադրվելու է նախագահական ընտրություններում, որոնք տեղի կունենան այս տարվա հոկտեմբերի 12-ին: Դիմելով երկրի քաղաքացիներին՝ նախագահը կոչ է արել չկասկածել ժողովրդի շահերին ծառայելու իր վճռականության մեջ:

Բիան երկիրը ղեկավարում է ավելի քան 40 տարի։ Նրա նախորդը՝ Կամերունի առաջին նախագահ Ահմադու Բաբատուր Ահիջոն, հրաժարական էր տվել 1982 թվականին՝ առողջական պատճառներով: Բիան պետության ղեկավար է ընտրվել յոթ անգամ։

Կամերունում Ֆրանսիայի դեսպանն այս առիթով գրել է․ «Բիան կրկին կհաղթի ընտրություններում՝ կոմայի մեջ լինի, թե դագաղի մեջ։ Մենք պետք է դադարեցնենք այս անհեթեթությունը»։