«Հայաստանի կալանավայրերը ոչ միայն ուղղիչ չեն, այլև կործանիչ են»․ Արա Պողոսյան

Քաղաքագետ Արա Պողոսյանի ֆեյսբուքյան գրառումը․ «Գաղտնիք չէ, որ Հայաստանի կալանավայրերը ո՛չ միայն ուղղիչ չեն, այլև կործանիչ են։ Եթե իրավական տերմինով ասենք՝ զուտ պատժիչ ֆունկցիա են կատարում։
Այս կնոջը կալանավայր ուղարկելով դատավորը ո՛չ միայն չի կատարում արդարադատության ֆունդամենտալ պահանջը՝ ուղղել մարդուն, այլև մեղանչում է մարդկային բարոյականության դեմ։
Էն որ ասում ենք մտավորականներ... ահա՛ մտավորականներն հենց այս պահին այս կնոջ կողքին, և իբրև մտավորական միջնորդեին, խնդրեին, պահանջեին տիկնոջ նկատմամբ մարդասիրական վերաբերմունք։
Երբ խոսում ենք երկրում դեմոգրաֆիական ճգնաժամի մասին, որը ազգային անվտանգության սպառնալիքների թվին է պատկանում, ապա երեք երեխա ունեցող կնոջ նկատմամբ առնվազն պե՞տք է այդ տարբերակված մոտեցումը լիներ:
Հանցանք է մարդկային բարոյականության դեմ մեղանչելը, որը անպայման կվերադառնա նույն դատավորին...»։