«200-ից ավելի մանկապարտեզ, դպրոց թուրքին տալուց հետո եկել, հանձնաժողովի հարց եք քննարկում». Արմենակ Դանիելյանը՝ ՔՊ-ին

«Ձեր իշխանությունը 200-ից ավելի մանկապարտեզ, դպրոց թուրքին տալուց հետո եկել է ստեղ քննարկում է ինչ-որ հանձնաժողով կազմի, որ գնա մի քանի մանկապարտեզների օտարման հարց լուծի. առնվազն զավեշտ է: Էս 7 տարում բռնեիք, դատեիք, ի՞նչ եք հիմա եկել շոուներ անում»,- հայտարարեց Երևանի ավագանու «Մայր Հայաստան» խմբակցության անդամ Արմենակ Դանիելյանը: «Բացահայտեիք, ի՞նչ եք մեզ հետ կապում, կարո՞ղ եք հիմնավորել»,- ասաց նա:

Քննարկվում է ՔՊ-ի ներկայացրած «1991-ի սեպտեմբերի 21-ից մինչև 2025-ը Երևանի նախկին թաղային համայնքներին ու Երևան համայնքին պատկանած դպրոցների ու մանկապարտեզների տարածքների օտարման գործընթացներն ուսումնասիրող ավագանու քննող հանձնաժողով ստեղծելու մասին» նախագիծը: