«Թույլ չենք տալու թեման շեղեք, վե՛րջ». Տիգրան Ավինյանը՝ «Մայր Հայաստան»-ին

«Երբ դուք նպատակաուղղված, ամբողջ ֆրակցիայով փորձում եք թեման շեղել, թույլ տվեք՝ թույլ չտալ ձեզ դա անել: Երբ խոսում ենք 45 օտարված մանկապարտեզների մասին ու ավագանու «Մայր Հայաստան» խմբակցությունը նպատակադրված ամեն ինչ անում է, որ թեման շեղվի, թույլ չենք տալու, վե՛րջ»,- հայտարարեց Երևանի քաղաքապետ Տիգրան Ավինյանը՝ արձագանքելով Երևանի ավագանու «Մայր Հայաստան» խմբակցության անդամ Արմենակ Դանիելյանին:

Քննարկվում է ՔՊ-ի ներկայացրած «1991-ի սեպտեմբերի 21-ից մինչև 2025-ը Երևանի նախկին թաղային համայնքներին ու Երևան համայնքին պատկանած դպրոցների ու մանկապարտեզների տարածքների օտարման գործընթացներն ուսումնասիրող ավագանու քննող հանձնաժողով ստեղծելու մասին» նախագիծը: