Թրամփը պահանջել է դադարեցնել իրանական նավթի և նավթաքիմիական արտադրանքի գնումները

ԱՄՆ-ի նախագահ Դոնալդ Թրամփը պահանջել է դադարեցնել իրանական նավթի և նավթաքիմիական արտադրանքի բոլոր գնումները՝ սպառնալով խախտողներին երկրորդական պատժամիջոցներով։
«Իրանական նավթի կամ նավթաքիմիական արտադրանքի բոլոր գնումները պետք է անհապաղ դադարեցվեն։ Իրանից ցանկացած քանակությամբ նավթ կամ նավթաքիմիական արտադրանք գնող ցանկացած երկիր կամ անձ կենթարկվի անհապաղ երկրորդական պատժամիջոցների»,- գրել է ԱՄՆ-ի նախագահն իր Truth Social էջում։

Թրամփը զգուշացրել է, որ խախտողներին կարգելվի Միացյալ Նահանգների հետ գործարքներ կնքել «ցանկացած ձևով»։

Թրամփի հայտարարությունը հաջորդել է Օմանի արտաքին գործերի նախարար Բադր բին Համադ ալ-Բուսաիդի հայտարարությանն առ այն, որ Իրանի և ԱՄՆ-ի պատվիրակությունների միջև մայիսի 3-ին նախատեսված բանակցությունները հետաձգվել են։ Նախարարի խոսքով՝ սա արվել է «լոգիստիկ պատճառներով»։