Մեծ Բրիտանիան պատժամիջոցներ է սահմանել Վրաստանի գլխավոր դատախազի նկատմամբ

Մեծ Բրիտանիան Վրաստանի չորս քաղաքացու է ներառել իր պատժամիջոցների ցուցակում, հայտնում են վրացական լրատվամիջոցները։

Մեծ Բրիտանիայի գանձապետարանի կայքում հրապարակվել է պատժամիջոցների ենթարկվող անձանց թարմացված ցուցակը։
Պատժամիջոցների ցանկում են գլխավոր դատախազ Գեորգի Գաբիտաշվիլին, ՆԳ փոխնախարար Շալվա Բեդոիձեն, Հատուկ հանձնարարությունների դեպարտամենտի փոխտնօրեն Միրզա Կեզևաձեն և Հատուկ քննչական ծառայության ղեկավար Կառլո Կացիտաձեն։

Նրանց ֆինանսական ակտիվները և տնտեսական ռեսուրսները սառեցվելու են։ Բացի այդ, այդ անձանց հետ ֆինանսական գործունեությունն արգելվում է, իսկ պատժամիջոցները խախտելը կամ խուսափելը կդիտվի որպես քրեական հանցագործություն։