Transparency International Armenia-ն առանձնապես մտահոգված է Ռուբեն Վարդանյանի հանդեպ անմարդկային վերաբերմունքով

Transparency International միջազգային կազմակերպությունը հայտարարություն է տարածել՝ նշելով, որ միանում են ՀԲԸՄ և այլ կազմակերպություններին՝ կոչ անելով դադարեցնել Բաքվում պահվող հայ ռազմագերիների և ապօրինի կալանավորվածների նկատմամբ Ադրբեջանի քաղաքական հետապնդումները։

«Մեզ առանձնապես մտահոգում է Ռուբեն Վարդանյանի հանդեպ անմարդկային վերաբերմունքը. նա հացադուլի մեջ է՝ հուսահատորեն դիմելով միջազգային հանրությանը՝ միջամտելու Ադրբեջանի կողմից օրենքի և մարդու հիմնարար իրավունքների կոպիտ խախտումների դեմ»,- ասված է հաղորդագրության մեջ։