«Որևէ մեկը չի նշանակվել որևէ պաշտոնում կին կամ տղամարդ լինելու համար». Նիկոլ Փաշինյան

«Որևէ մեկը չի նշանակվել որևէ պաշտոնում կին կամ տղամարդ լինելու համար»,-«Հանրային»-ի եթերում այս մասին ասաց վարչապետ Նիկոլ փաշինյանը՝ ի պատասխան հարցադրման, թե ուժային կառույցներում և այլ պաշտոններում ինչո՞ւ է նշանակում կանանց:

Փաշինյանն ընդգծեց, որ համապատասխան պաշտոններում կանայք են նշանակվել, որովհետև արձանագրումը եղել է այն, որ այդ թեկնածուներն այս իրավիճակում և այս համակարգում կարող են արդյունավետ աշխատել և ընդ որում՝ «եթե իմ նշանակման կամ մեր կողմից առաջադրվող թեկնածուի մասին է խոսքը, մեր կամ իմ գնահատականը եղել է այն, որ տվյալ պահին արդյունավետը կլինի այդ պաշտոնյան»:

«Որևէ մեկը չի նշանակվել, պատկերացնում եք ինչ աբսուրդ է, այ որովհետև կին է, եկեք իրեն նախարար նշանակենք, որովհետև ինքը տղամարդ է, եկեք իրեն նախարար նշանակենք, կամ որովհետև կին չէ, եկեք իրեն հանենք նախարարի պաշտոնից:
Կներեք, ես լավ չեմ հասկանում այդ խոսույթը: Իսկ ընդհանրապես մենք այս խոսակցությունից դուրս համարո՞ւմ ենք, որ կանայք հանրային կյանքի բոլոր ոլորտներում պետք է ավելի մեծ ներգրավվածություն ունենան և մենք պետք է չխոչընդոտենք, որ դա տեղի ունենա»,-հավելեց վարչապետը: