Հարավային Կորեայի իրավապահներին չի հաջողվել ձերբակալել Յուն Սոկ Յոլին

Հարավային Կորեայի իրավապահ մարմինները որոշում են կայացրել կասեցնել Կորեայի Հանրապետության նախագահ Յուն Սոկ Յոլի ձերբակալության օրդերի կատարումը։ Այս մասին հայտնում են գերատեսչությունից։

«Շարունակվող դիմակայության պատճառով եզրակացություն է արվել, որ ձերբակալման հրամանը գործնականում անհնար է կատարել՝ դեպքի վայր ժամանած իրավապահների անվտանգության նկատառումներից ելնելով։ Հետագա միջոցառումների մասին որոշումը կկայացվի քննարկումից հետո, մեր խիստ հիասթափությունն ենք հայտնում՝ կասկածյալի կողմից օրենքին համապատասխան չարձագանքելու կապակցությամբ։

Հիշեցնենք, որ ի պաշտպանություն նախագահի նրա նստավայրի շրջակայքում ընթանում է հանրահավաք, որին մասնակցում է մոտ 1,2 հազար մարդ։ Մոտ 2,7 հազար ոստիկան այնտեղ կարգուկանոն է պահպանում։

Դատարանը դեկտեմբերի 31-ին հակակոռուպցիոն հետաքննության վարչությանը Յունին ձերբակալելու օրդեր է տրամադրել, այն բանից հետո, երբ նա երեք անգամ չի ներկայացել իմթիչմենտի գործով հարցաքննությանը: