Ախալքալաքի հայկական եկեղեցներից մեկում հին արձանագրություն է հայտնաբերվել

Ախալքալաք քաղաքից 25 կմ արևմուտք գտնվող Ագանա գյուղում հայտնաբերվել է 10-րդ դարով թվագրվող վիմագիր արձանագրություն, որում հիշատակվում է Բագրատ 3-րդ Կյուրոպաղատը: Այս մասին ֆեյսբուքյան իր էջում գրել է ուսումնասիրող խմբի մասնակիցներից Աննա Իմեդաշվիլին:
Քարի վրա թողնված արձանագրությունը մասնագետները հայտնաբերել են Սամցխե-Ջավախեթիի տարածքում իրականացվող հետազոտական աշխատանքների ժամանակ:
Գրությունը հայտնաբերվել է հայկական
եկեղեցում: Ինչպես հայտնում է Իմեդաշվիլին, բացահայտումը կատարվել է այն բանից հետո, երբ քանդվել է վթարային վիճակում գտնվող եկեղեցու պատի մի հատվածը:

«Սա 19-րդ դարում կառուցված հայկական հին եկեղեցի է: Մոտակա ժամանակներս այն կվերականգնվի: Այժմ նախագծի վրա ենք աշխատում»- նշում է Աննա Իմեդաշվիլին:
Ուսումնասիրողը դեռևս չի հայտնում, թե ինչ է գրված արձանագրության մեջ: