Երևան`   +20 °C
Այսօր`   Երեքշաբթի, 25 հունիսի, 2024 թ.

Պետդեպն անդրադարձել է ԼՂ-ից ռուս խաղաղապահների դուրսբերմանը

1167
Հինգշաբթի, 18 ապրիլի, 2024 թ., 09:48
Պետդեպն անդրադարձել է ԼՂ-ից ռուս խաղաղապահների դուրսբերմանը

ԱՄՆ Պետդեպարտամենտի ներկայացուցիչ Վեդանթ Փաթելը մեկնաբանել է Լեռնային Ղարաբաղից ռուս խաղաղապահ զորախմբի վաղաժամ դուրսբերումը՝ նշելով, որ դա ապացույց է, որ Ռուսաստանը հուսալի դաշնակից չէ։ Նա նշել է, որ ԱՄՆ-ն եռակողմ համաձայնագրի կողմ չի եղել, որի համաձայն՝ 2020թ․ տարածաշրջանում ռուսական զորքեր են տեղակայվել։ «Մենք չենք տեսել մի բան, որը ցույց կտար, որ Ռուսաստանը հուսալի դաշնակից կամ գործընկեր է և նպաստում է Հարավային Կովկասում կայունությանն ու խաղաղությանը»,- ասել է նա։

Փաթելը հավելել է, որ ԱՄՆ-ն վճռականորեն աջակցում է խաղաղության հասնելու Հայաստանի և Ադրբեջանի ջանքերին ու պատրաստ է օգնել այդ գործընթացին։