«Հայաստանի և Ադրբեջանի միջև քարտեզների վերաբերյալ որևէ համաձայնություն չկա»․ Փաշինյան

«Հայաստանի և Ադրբեջանի միջև սահմանազատման աշխատանքների համար քարտեզների վերաբերյալ որևէ համաձայնություն կա՞»,- ԱԺ հարցուպատասխանի ժամին հետաքրքրվեց «Հայաստան» խմբակցության պատգամավոր Գեղամ Մանուկյանը։ Հարցին պատասխանեց վարչապետ Նիկոլ Փաշինյանը․ «Հայաստանի և Ադրբեջանի միջև
քարտեզների վերաբերյալ որևէ համաձայնություն չկա, կա համաձայնություն, որ ՀՀ-ն ու Ադրբեջանը միմյանց տարածքների ամբողջականությունը ճանաչում են Ալմա-Աթայի հռչակագրի հիման վրա և կա ըմբռնում, որ պետք է ընթանա սահմանազատման գործընթաց՝ կրկին Ալմա-Աթայի հռչակագրի հիման վրա»։