2023 թվականին մահացել է Forbes-ի ցուցակում ներառված 21 միլիարդատեր

Ամփոփելով 2023 թվականը՝ Forbes ամսագիրը նշել է, որ անցած տարի մահացել է Forbes-ի միլիարդատերերի ցուցակում ներառված 21 միլիարդատեր։ Միևնույն ժամանակ, 2023 թվականին մահացած միլիարդատերերի միջին տարիքը 85 տարեկան էր, նրանց կեսը 90 տարեկանից բարձր էր:
Այդ միլիարդատերերից 9-ը ԱՄՆ քաղաքացիներ էին, 3-ը՝ Հնդկաստանից, 2-ը՝ Մալայզիայից։ 21 մահացածներից միայն մեկն է կին՝ Չինաստանում WuXi App դեղագործական ընտրության համահիմնադիր Չժաո Նինը։ Նա մահացել է 56 տարեկանում, վերջին 20 տարիներին պայքարում էր քաղցկեղի դեմ:
2023 թվականին մահացել է նաև հայտնի եգիպտացի միլիարդատեր Մուհամեդ Ալ-Ֆայեդը՝ արքայադուստր Դիանայի սիրելիի՝ Դոդի Ալ-Ֆայեդի հայրը, նա 94 տարեկան էր։ Նրան էր պատկանում Փարիզում Ritz հյուրանոցը, ինչպես նաև Լոնդոնի Harrods հանրախանութը, «Ֆուլհեմ» ֆուտբոլային ակումբը։
Մահացած միլիարդատերերից ամենատարեցներն էին Բիլլի Ջո «Ռեդ» Մաքքոմբսը (95 տարեկան)՝ ավտոդիլերների ցանցի սեփականատերը, Clear Channel ռադիոկայանի հիմնադիրը (ներկայիս՝ iHeartMedia), ինչպես նաև միլիարդատեր Ուորեն Բաֆեթի՝ Berkshire Hathaway ընկերության փոխնախագահ և բաժնետեր Չառլզ Մանգերը (99 տարեկան):
2023 թվականին մահացած միլիարդատերերի թվում են նաև ամերիկացի երաժիշտ և գործարար Ջիմի Բաֆեթը, Իտալիայի նախկին վարչապետ Սիլվիո Բեռլուսկոնին, Intel-ի համահիմնադիր Գորդոն Մուրը, Asian Paints Ltd-ի անկախ տնօրեն Աշվան Դանին (ամենահարուստն է ցուցակում, նրա կարողությունը կազմել է 8 միլիարդ դոլար):