Երևան`   +13 °C
Այսօր`   Շաբաթ, 10 հոկտեմբերի, 2026 թ.

Եվրոմիությունը մտադիր է ազատազրկում սահմանել հակառուսական պատժամիջոցները խախտելու համար

1800
Երեքշաբթի, 12 դեկտեմբերի, 2023 թ., 21:36
Եվրոմիությունը մտադիր է ազատազրկում սահմանել հակառուսական պատժամիջոցները խախտելու համար

ԵՄ իշխանությունները մտադիր են 5 կամ ավելի տարով ազատազրկում սահմանել Ռուսաստանի դեմ սահմանված պատժամիջոցների միտումնավոր խախտման համար։ Բացի այդ, պատժամիջոցների ռեժիմը խախտողներին առաջարկվում է պատժել տուգանքներով։
Այս մասին ասված է Եվրոպական խորհրդի հայտարարության մեջ։

Ըստ Բրյուսելի, նոր հրահանգը պարտավորեցնում է ԵՄ երկրներին՝ որպես քրեական հանցագործություն սահմանել փաստաթղթում թվարկված մի շարք գործողություններ։

Առաջարկվում է նաև պատժել պատժամիջոցների տակ գտնվող ապրանքների առևտրով զբաղվելու, ինչպես նաև սահմանափակումների տակ գտնվող պետությունների կամ կազմակերպությունների հետ գործարքներ կնքելու համար:

ԵՄ երկրներն ստիպված կլինեն պատժել պատժամիջոցները խախտողներին նվազագույնը մեկ տարվա ազատազրկմամբ: Պատիժը կարող է հասնել հինգ տարվա կամ նույնիսկ ավելիի, եթե ԵՄ երկրների իշխանությունները որոշեն կիրառել ավելի խիստ պատիժներ նախատեսող օրենք։

Դեկտեմբերի 5-ին ՌԴ ԱԳ նախարար Սերգեյ Լավրովը և Իրանի արտգործնախարար Հոսեյն Ամիր Աբդոլլահյանը ստորագրել են միակողմանի պատժամիջոցներին հակազդելու մասին հռչակագիրը։

Մասնավորապես, երկրները համաձայնել են, որ անձանց միակողմանի հարկադրանքի միջոցներից խուսափելը կամ նման միջոցների շրջանցումը, ինչպիսիք են պատժամիջոցները, հիմք չեն հանդիսանում այդ անձանց արտահանձնման համար։