Նիգերում Ֆրանսիայի դեսպանին զրկել են անձեռնմխելիությունից

Նիգերում Ֆրանսիայի դեսպանի դիվանագիտական ​​անձեռնմխելիությունը չեղարկվել է, այս տեղեկությունը տարածել է Sky News Arabia հեռուստաալիքը։
Աղբյուրի փոխանցմամբ՝ տեղի ոստիկանությանը հանձնարարվել է անհրաժեշտ քայլեր ձեռնարկել Ֆրանսիայի դիվանագիտական ​​ներկայացուցչության ղեկավարին արտաքսելու համար։
Այս արտաքսման ստույգ ժամկետների և մանրամասների մասին առայժմ տեղեկություններ չկան։
Ավելի վաղ Նիգերի ապստամբ կառավարությունը ֆրանսիացի դիվանագետներից և զինվորականներից պահանջել էր լքել երկիրը։ Ուրբաթ օրը ապստամբները Ֆրանսիայի դեսպանին դրա համար 48 ժամ էին տվել։ Ֆրանսիան հրաժարվել էր կատարել նրանց պահանջը՝ պատճառաբանելով, որ նրանք բավարար լիազորություններ չունեն այն առաջ քաշելու համար։