Նիգերը մնացել է առանց եվրոպական օգնության

Եվրոմիությունը ժամանակավորապես դադարեցրել է Նիգերին ֆինանսական աջակցություն տրամադրելը, հայտնում է Reuters-ը։

«Բյուջետային աջակցության անհապաղ չեղարկումից բացի, անվտանգության ոլորտում համագործակցության բոլոր գործողությունները կասեցվում են անորոշ ժամանակով և որոշումն անմիջապես ուժի մեջ է մտնում»,- ասել է ԵՄ արտաքին և անվտանգության քաղաքականության գերագույն ներկայացուցիչ Ժոզեպ Բորելը:

Հրատարակության տվյալներով՝ ԱՄՆ-ն Նիգերին սպառնացել է անել նույնը, ինչ Եվրոմիությունը։

Հիշեցնենք, որ հուլիսի 26-ին Նիգերի նախագահ Մուհամեդ Բազումը և նրա կինը ձերբակալվել են իրենց իսկ պահակախմբի կողմից

Ավելի վաղ ԵՄ արտաքին և անվտանգության քաղաքականության գերագույն ներկայացուցիչ Ժոզեպ Բորելը հայտարարել էր, որ ԵՄ-ն չի ճանաչում հեղաշրջման արդյունքում իշխանության եկած ապստամբների օրինականությունը։

Հուլիսի 27-ի գիշերը երկրի զինված ուժերը դադարեցրել են երկրի բոլոր պետական ​​կառույցների աշխատանքը, պարետային ժամ սահմանել ու փակել սահմանները։ Միևնույն ժամանակ Նիգերի ապստամբները երաշխավորում էին տեղահանված կառավարության ֆիզիկական անձեռնմխելիությունը։