Բրյունետը՝ մենահամերգի ու նոր երգերի մասին

«Եվրոտեսիլ 2023» երգի հեղինակավոր մրցույթում Հայաստանի պատվիրակ Բրյունետն առաջիկայում կուրախացնի իր երկրպագուներին մենահամերգով ու նոր երգերով, որոնց ուղղությամբ այժմ աշխատում է:

Այս մասին երգչուհին հայտնել է «Ինսթագրամ»-ի «Սթորի» բաժնում՝ պատասխանելով հետևորդների հարցերին:

Նա նշել է, որ չի ցանկանում շատ փակագծեր բացել, բայց ինքն ու իր թիմը քրտնաջան աշխատում են յուրահատուկ շոուով հանդես գալու համար:

«Մինչ մենահամերգը ծրագրում եմ երեք սինգլ թողարկել երեք ամսվա ընթացքում: Երգերի պրեմիերաները նախատեսվում են համերգին, իսկ մինչև տարվա վերջ ավելի շատ երգեր կլինեն»,- խոստացել է Բրյունետն ու հավելել, որ նոր երգերից մեկը, որը երկրպագուներին կներկայացնի մեկ ամսից, կոչվելու է «No Time To Cry For Him»: