«Էնպիսի հումորներ եմ անում, որ մարդիկ տետրում գրում են, որ պահեն». Սոնա Շահգելդյան

Նախօրեին երգչուհի Սոնա Շահգելդյանի ծննդյան օրն էր. «Առավոտ լուսո» հաղորդման եթերում երգչուհին ասել է, որ չնայած ծանրաբեռնված գրաֆիկին՝ ժամանակ է հատկացնում նաև ընտանիքի ու սիրելիների համար. «Մեկ-մեկ ինձ ասում են՝ դու ո՞նց ես ամեն ինչ հասցնում եմ. էդ էներգիան Աստծուց է գալիս... Լավ տնային տնտեսուհի եմ, էնպես չի, որ մենակ լավ երգում եմ. եթե չերգեի՝ հաստատ կա՛մ կլինեի խոհարար, կա՛մ պարուհի, կա՛մ դերասանուհի... Ունեմ հումորի մեծ զգացողություն. էնպիսի հումորներ եմ անում, որ մարդիկ տետրում գրում են, որ պահեն»,- ասել է երգչուհին: Խոսելով որդու մասին՝ երգչուհին նշել է, որ նա ևս մասնակցում է իր համերգներին, ունի ձայնային լավ տվյալներ. «Շատ երաժշտական երեխա է, սիրում է շոուներ անել. գեներով է գալիս»,- նշել է երգչուհին: