Լատվիան «պերսոնա նոն գրատա» է հայտարարում ռուս մի շարք արտիստների

Լատվիայի մշակույթի նախարարությունը կկազմի Ուկրաինայում Ռուսաստանի հատուկ գործողությանն աջակցող ռուս արտիստների «պերսոնա նոն գրատա» ցուցակը։

Լատվիայի մշակույթի նախարարի խոսքով՝ ցուցակում ներառված են ավելի քան 20 ռուս արտիստներ։ Ցանկում առաջին հերթին ընդգրկված են նրանք, ովքեր ելույթ են ունեցել մարտի 18-ին Լուժնիկիում կայացած համերգ-հանրահավաքին։

Ցուցակում խորհուրդ է տրվում ավելացնել երգչուհի Պոլինա Գագարինային, «Руки Вверх!» խմբի Սերգեյ Ժուկովին, ռեփեր Տիմատիին, Նիկոլայ Ռաստորգուևին և այլ երաժիշտների։

Ցուցակում հայտնվել են նաև ռեժիսորներ, դերասաններ, այդ թվում՝ Վլադիմիր Մաշկովը և Նիկիտա Միխալկովը։