«Հաղթելու ենք». արցախցի Անին՝ «Մանկական Նոր ալիք 2020»-ում
Հոկտեմբերի 7-ին Ղրիմում մեկնարկել է «Մանկական Նոր ալիք-2020» երգի մրցույթը, որտեղ Հայաստանը ներկայացնում է 10-ամյա երգչուհի Անի Պետրոսյանը՝ Ստեփանակերտից: Նրա պրոդյուսեր Լիրա Քոչարյանն, ով «Արցախի ձայներ» նախագծի ղեկավարն է, ֆեյսբուքյան իր էջում գրել է․ «Արտեկում մեկնարկեց «Մանկական նոր ալիք»-ը: Խաղաղ պայմաններում սա կգրավեր բոլորի, հատկապես արցախցի փոքրիկների ուշադրությունը, բայց՝ ոչ հիմա: Այս մրցույթի եզրափակիչ փուլ էր անցել արցախցի 10-ամյա մի աղջնակ՝ Անի Պետրոսյանը, և թռիչքը Մոսկվա նախատեսված էր հենց 27-ին, ու ամեն ինչ սկսվեց: Չէինք ուզում գնալ, սակայն մեր երկրի ղեկավարությունը որոշել էր, որ այդ հեղինակավոր մրցույթին մասնակցությունն անհրաժեշտ է: Ես չմեկնեցի, բայց Անիի հետ են նրա ծնողներն ու արցախցի սիրված Միշան: Նա ստանձնել է մարզիչի պարտականությունները: Այսօր Արտեկում առաջին մրցութային օրն էր, հաջողություն մաղթենք մեր երեխաներին: Ամբողջ աշխարհի երեխաները պետք է ստեղծագործական կյանքով ապրեն, ոչ թե կուչ գան նկուղներում կամ մեռնեն կասետային ռումբերից: Սիրտ չունեմ՝ ամեն մանրամասնությամբ ներկայացնելու մրցութային իրադարձությունները: Բոլորիս հույզերն ու զգացմունքներն ուղղորդված են ամենակարևորին՝ դիմագրավել ու հաղթահարել աշխարհների ու գաղափարաբանությունների այս գոյամարտում: Բայց խոստանում եմ հավաքել ու հետո մեր երեխաներին ցույց տալ օրագրերը, թող հավատան՝ ամեն-ամեն լուսավոր բան անպայմանորեն ետ է վերադառնալու: Կարծում եմ, սա էլ պայքարի մի ձև է՝ երաժշտության ու մշակույթի զենքով դիմակայել սպանություններին: Եկեք մաղթենք մեր երեխաներին ոգու ամրություն, դժվար է նրանց համար հեռվում լինելը՝ իմանալով, որ Արցախում են նրանց հարազատները: Միշայի եղբայրն առաջնագծում է առաջին իսկ օրվանից»: Անին մրցույթին ներկայացել է «ես Անին եմ Հայաստանից՝ Ստեփանակերտից» խոսքերով, իսկ երգի մեկնարկին հայերենով գոչել՝ «Հաղթելու ենք»։ |
Սերժ Թանկյանը ոգեկոչել է 1915թ-ի Հայոց ցեղասպանության զոհերի հիշատակը
126Երեկ, 23:48Մագա Հարությունյանն ու Սուրեն Փահլևանյանը պսակադրվել են
14021.04.2024, 15:18Պոնչը և Տոման ամուսնացել են
210112.04.2024, 18:18«Լադանիվայի» «Ժակո» երգի տեսահոլովակն արդեն ունի 3 միլիոնից ավելի դիտում (տեսանյութ)
209312.04.2024, 16:24Ովքե՞ր են հայերեն երգող ու պարող ռուանդացի փոքրիկները (տեսանյութ)
176110.04.2024, 11:00«Ասատրյաննե՛ր, իշխանության գալու դեպքում ես ձեր մուտքը ՀՀ փակելու եմ». Վարդան Ղուկասյան (տեսանյութ)
20504.04.2024, 14:18