Գարիկ Խարլամովն ու Քրիստինա Ասմուսը՝ ամուսնալուծության մասին
2809
Երկուշաբթի, 22 հունիսի, 2020 թ., 21:40
«Comedy Club»-ի ռեզիդենտ, շոումեն Գարիկ Խարլամովն ու դերասանուհի Քրիստինա Ասմուսը հայտարարել են բաժանման մասին։ «8 տարի առաջ սկսվեցին իմ ու Քրիստինայի հարաբերությունները։ 8-ն անսահմանության թիվն է։ Բայց երկրի վրա հավերժ ոչինչ չկա։ Եվ ցավոք, մենք բացառություն չենք։ Քրիստինայի հետ մեր ճանապարհը չի ավարտվում, այլ տեղափոխվում է մեկ այլ փուլ, որտեղ, հույս ունեմ, որ միշտ էլ բարեկամության և հարգանքի տեղ կմնա: Այո, մենք բաժանվում ենք: Բայց մենք, իհարկե, մնում ենք մեր հիանալի դստերը սիրող ծնողներ: Գեղեցիկ ութ տարի էր: Ես անչափ շնորհակալ եմ Քրիստինայից, կյանքում ամենակարևորի՝ մեր դստեր համար»,- գրել է Գարիկ Խարլամովը: Ըստ նրա՝ այս իրավիճակում մեղավորը «Տեքստ» ֆիլմի կամ որևէ երրորդ կողմի հետ կապված սկանդալը չէ: «Այժմ ընթանում է ամուսնալուծության գործընթաց։ Սա բարդ ժամանակաշրջան է բոլորիս համար, այդ պատճառով ես մամուլին խնդրում եմ չանհանգստացնել ինձ, Քրիստինային և մեր բոլոր հարազատներին»,- ասել է շոումենը։ Նմանատիպ գրառում արել է նաև Քրիստինա Ասմուսը: «8 տարի միասին. մարդու կյանքը կերա, կներեք, չկարողացա ինձ զսպել))))): Լավ, կատակը մի կողմ, ցավոք, մենք էլ նորաձևությունից հետ չմնացինք: Բայց ես ուզում եմ հստակեցնել իրավիճակը։ Ոչ «Տեքստ» ֆիլմը, ոչ ինքնամեկուսացումը, ոչ էլ երրորդ կողմ, մեղավոր չեն։ Միայն մենք ենք մեղավորը։ Այս որոշումը ինքնաբուխ չէ, այն առաջացել է գրեթե մեկ տարի առաջ: Մենք բաժանվում ենք միմյանց հանդեպ մեծ հարգանքով»,- գրել Է դերասանուհին։ Նա հույս է հայտնել, որ կկարողանա լավ հարաբերություններ պահպանել իր՝ արդեն նախկին ամուսնու հետ և խնդրել է ըմբռնումով մոտենալ այդ որոշմանը։
