Երևան`   +6 °C
Այսօր`   Երեքշաբթի, 19 մարտի, 2024 թ.

«Արա՛ խի՞, ի՞նչ եմ արել». ինչպես են ոստիկաններն «ասֆալտին պառկեցնում» քաղաքացուն

549
Շաբաթ, 30 մայիսի, 2020 թ., 21:40
«Արա՛ խի՞, ի՞նչ եմ արել». ինչպես են ոստիկաններն «ասֆալտին պառկեցնում» քաղաքացուն

Համացանցում տեսանյութ էր տարածվել, որտեղ երևում էր՝ ինչպես են ոստիկանները մեքենայից իջեցնում քաղաքացուն, պառկեցնում ասֆալտին ու ձեռնաշղթաներ հագցնում․ «Արա՛ խի՞, ի՞նչ եմ արել»,- ասում էր քաղաքացին։

Օգտատերերը գրում էին՝ ի՞նչ պետք է արած լինի վարորդը, որ ճանապարհային ոստիկանները նրա նկատմամբ ոչ թե իրավախախտման վերաբերյալ վարչական ակտ կազմեն, այլ բռնություն գործադրեն։

Ստորև ներկայացնում ենք ՀՀ ոստիկանության մամուլի ծառայության պազաբանումը․ «Համացանցում տարածվել է մի տեսանյութ, ուր ոստիկանները ձեռնաշղթա են հագցնում մի վարորդի։
Ավելորդ շահարկումներ թույլ չտալու համար նկատենք, որ նա չի ենթարկվել ճանապարհային ոստիկանների՝ մեքենան կանգնեցնելու պահանջին, իսկ մեքենան եղել է առանց հաշվառման համարանիշի։
Տրանսպորտային միջոցը հարկադրաբար կանգնեցնելուց հետո էլ մեքենան վարող անձը չի ենթարկվել ոստիկանների օրինական պահանջներին և բերվել է ոստիկանության տարածքային բաժին։
Պարզվել է, որ նա չունի վարորդական իրավունքի վկայական, իսկ մեքենան չի ունեցել ԱՊՊԱ պայմանագիր և գտնվել է հետախուզման մեջ։
Առանց ԱՊՊԱ պայմանագրի և առանց վարորդական իրավունքի վկայականի վարելու համար կազմվել են վարչական իրավախախտման վերաբերյալ արձանագրություններ»,- նշված է ոստիկանության հաղորդագրության մեջ։