Ստեփանակերտում կկազմակերպվի օտարալեզու երգերի մրցույթ՝ «Աշխարհի երեխաներն ընդդեմ պատերազմի» խորագրով

Փետրվարի 16-ին՝ ժամը 15։00-ին, Ստեփանակերտի Սայաթ-Նովայի անվան երաժշտական քոլեջի դահլիճում կկայանա «Աշխարհի երեխաներն ընդդեմ պատերազմի» օտարալեզու երգերի մրցույթը:

Այս մասին հայտնել է ԱՀ մշակույթի, երիտասարդության հարցերի և զբոսաշրջության նախարարության մշակութային ծրագրերի կառավարիչ Գայանե Հայրապետյանը:

«Մրցույթը նախատեսված է 7-22 տարեկանների համար: Հաղթողները հնարավորություն կունենան մասնակցելու մարտի 31-ին Մոսկվայում կայանալիք գալահամերգին»,- ավելացրել է Գ. Հայրապետյանը: