«Օսկար 2020»-ի ամենավառ ու տպավորիչ զգեստները

«Օսկար» հեղինակավոր 92-րդ մրցանակաբաշխությունն արդեն կինեմատոգրաֆիայի պատմության մի մասնիկն է։ Հիշեցնենք, որ «Օսկար 2020»-ի գլխավոր մրցանակը՝ տարվա լավագույն ֆիլմ անվանակարգը բաժին է հասել հարավկորեացի ռեժիսոր Պոն Ջուն Հոյի «Մակաբույծը» ֆիլմին։ Հենց այս ֆիլմն էլ ստացավ ամենաշատ արձանիկները՝ լավագույն ռեժիսոր, լավագույն ֆիլմ, լավագույն օտարալեզու ֆիլմ։

Լավագույն դերասանուհի անվանակարգում հաղթեց Ռենե Զելվեգերը՝ «Ջուդի» ֆիլմում իր խաղի համար, լավագույն դերասանը Հոաքին Ֆենիքսն էր՝ «Ջոկեր»-ից։

Երկրորդ պլանի լավագույն դերասան ճանաչվեց Բրեդ Փիթը՝ «Մեկ անգամ․․․Հոլիվուդում» ֆիլմի համար, երկրորդ պլանի լավագույն դերասանուհին Լորա Դերնն էր՝ «Ամուսնական պատմություն» ֆիլմում իր դերի համար:

«Օսկար» մրցանակաբաշխության պարգևներից ոչ պակաս քննարկումների թեմա է դառնում նաև հյուրերի ու նոմինանտների հանդերձանքը, որոնցից ամենատպավորիչները ներկայացնում ենք ձեր ուշադրությանը: