Էյվազովը հերքել է, որ մերժել է հանդես գալ հայ սոպրանոյի հետ

Դրեզդենի SemperOperaball-ը հերքել է տարածված տեղեկությունը, թե ազգությամբ ադրբեջանցի օպերային երգիչ Յուսիֆ Էյվազովը հրաժարվել է փետրվարի 7-ին հանդես գալ Դրեզդենի ամենամյա Օպերային Բալի բացման արարողությանը հայ երգչուհի Ռուզան Մանթաշյանի հետ։ Թատրոնն այդ մասին հայտարարություն է տարածել: Իսկ տենոր Յ.Այվազովը ֆեյսբուքյան իր էջում գրել է. «Ես ադրբեջանցի եմ և իմ հստակ պատկերացումն ու կարծիքն ունեմ Ադրբեջանի և Հայաստանի շուրջ ստեղծված իրավիճակի վերաբերյալ: Բայց իմ քաղաքական հայացքները երբեք չեն շոշափում իմ մասնագիտությունն ու գործընկերներին: Այդ մասին է խոսում այն փաստը, որ ես Մեծ Թատրոնում բազմաթիվ ելույթներ եմ ունեցել Մարիա Գուլեգինայի և Գևորգ Հակոբյանի հետ: Այդ պատճառով վստահե՛ք ճշտված տեղեկատվությանը և այսուհետ սադրանքներ մի՛ տարածեք: Ինչպես նախապես ծրագրված էր, իմ ելույթը SemperOperaball-ում մենակատարային է և այլ երգիչների հետ զուգերգ չէր ենթադրում»: