«Ուղիղ պատվերն ամենահեշտը, արագն ու անարդյունավետն է». Լիլիթ Բլեյան

Երգչուհի Լիլիթ Բլեյանը ֆեյսբուքյան իր էջում գրել է. «Երևի ավելի ճիշտ է (ընդհանրապես, ոչ միայն էս մասնավոր դեպքում) ոչ թե երգեր պատվիրել, այլ էնպես անել, որ ամենատարբեր ժանրերի «երգաստեղծների» համար լինեն հասանելի ռեսուրսներ՝ իրենց երգերը ձայնագրելու, հանրությանը հասցնելու, համերգներ կազմակերպելու համար, որ դուրս գանք կաբինետային պատվերների փակ շրջանից։ Անուղղակի, ճկուն քայլեր են պետք, իսկ ուղիղ պատվերը ամենահեշտը, արագն ու անարդյունավետն է՝ որևէ ստեղծագործական ոլորտի հեռանկարային զարգացման համար։ Մշակույթի բյուջեն տնօրինելն ընդհանրապես շատ նուրբ արվեստ է, ու երբեք կարծեմ անկախության շրջանում մեզ մոտ դա չի ստացվել։ Երգի ոլորտը, մասնավորապես, երբևէ չի արժանացել առանձին վերաբերմունքի, մտահոգության, նույնիսկ մտքի ծայրով կարևորման՝ էն պարագայում, երբ ամենահեշտ տարածվող ու ճաշակ թելադրող երաժշտական ժանրն է»։