Ալբանիայում կրկին երկրաշարժ է գրանցվել

Նոյեմբերի 28-ին Ալբանիայում կրկին երկրաշարժ է տեղի ունեցել՝ 4,9 մագնիտուդ ուժգնությամբ: Այն գրանցվել է Ադրիատիկ ծովում, հայտնում է Եվրասիական միջերկրածովյան սեյսմոլոգիական կենտրոնը:

«Ցնցումների էպիկենտրոնը գտնվել է 10 կմ խորության վրա՝ մայրաքաղաքից 42 կիլոմետր հեռավորության վրա: Քաղաքի բնակչությունը 375 հազար մարդ է»,- ասվում է հաղորդագրության մեջ:
Հնարավոր ավերվածությունների և վիրավորների մասին տվյալներ դեռևս չեն հաղորդվում: