Ադամ Բարրոն Հայաստանում կներկայացնի իր նոր ձայնասկավառակը
Ֆրանսաբնակ ճանաչված օպերային երգիչ Ադամ Բարրոն (Մուրադ Ամիրխանյան) նոր ձայնասկավառակ է թողարկել, որի շնորհանդեսը կկայանա նոյեմբերի 21-ին, ժամը 14:00 Կոմիտասի անվան կամերային երաժշտության տան դահլիճում: Ադամ Բարրոյի՝ Փարիզում օրեր առաջ լույս տեսած հատընտիր հոգևոր երգերի հավաքածուն կրում է «Ավե Մարիա» խորագիրը: Այն երգչի թվով 2-րդ ձայնասկավառակն է, և արդեն վաճավում է ֆրանսիական FNAC կոչվող հայտնի խանութների ցանցում։ Երկրորդ ձայնասկավառակի նախաբանը գրվել է ֆրանսիայում՝ բոլորին հայտնի երաժշտական քննադատ Ալեն Դյուոյի կողմից և ներկայացվել այնտեղ: Երևանում ներկա է լինելու նաև հայ երաժշտական քննադատ, ով հակիրճ կներկայացնի այն։ Ձայնասկավառակում տեղ գտած ծրագիր-ծաղկաքաղի մեջ արևմտաեվրոպական կոմպոզիտորներ Արկադելտի, Ստրադելլայի, Կաչչինի, Դուրանտեի և այլոց կողքին Բարրոն ներկայացրել է նաև XVII-րդ դարի Աբբահայր Մխիթար Սեբաստացու «Անճառին Խորան» Տաղ Աստուածածնայ ստեղծագործությունը ... Բարրոն կենդանի կատարմամբ շնորհանդեսի ժամանակ կներկայացնի 5 ստեղծագործություն երգեհոնի նվագակցությամբ։ Նրա հետ հանդես կգա Աննա Բակունցը (երգեհոն): «Ապրիլյան պատերազմից հետո ինձ տանջել է մի միտք, որ ես էլ երգով սփոփեմ որդեկորուստ հայ մայրերին ու երգեմ՝ մեր հերոսների հիշատակը հավերժ վառ պահելու համար։ Ծնվեց երիտասարդ կոմպոզիտոր Տիգրան Համբարյանի «Ավե Մարիա» ստեղծագործությունը, որ առաջին անգամ կկատարեմ իմ ձայնասկավառակի շնորհանդեսի ժամանակ»,- նշում է Ադամ Բարրոն: Սկավառակի՝ հայաստանյան շնորհանդեսի մուտքն ազատ է: |
Ադրբեջանցիները ոչնչացրել են Գետավանի ազատամարտիկների հիշատակին նվիրված հուշահամալիրը
36400:06«Կորսերվատորիային ձեռք տալն անբարոյականություն է». քաղաքացիների արձագանքը (տեսանյութ)
378Երեկ, 23:3680 և ավելի տարիների պատմություն. «Լոռի-Փամբակ երկրագիտական թանգարան» (լուսանկար)
403Երեկ, 22:48Միասնական աղոթք է բարձրացվել սահմանապահ Ոսկեպարի Սուրբ Աստվածածին եկեղեցում
675Երեկ, 00:48Մեղրիի արևափայլ ջերմությունը Լոռիում (լուսանկար)
443Երեկ, 00:36Դարերի հարուստ պատմություն. Ոսկեպարի հուշարձանները (լուսանկար)
48416.03.2024, 23:36