Երևան`   +14 °C
Այսօր`   Ուրբաթ, 29 մարտի, 2024 թ.

«ՀուԶանք ու Զանգ» ներկայացման ծախսերը հայտնի են

361
Երեքշաբթի, 05 նոյեմբերի, 2019 թ., 23:40
«ՀուԶանք ու Զանգ» ներկայացման ծախսերը հայտնի են

Մետրոյի «Հանրապետության հրապարակ» կայարանի հարակից տարածքում նոյեմբերի 2-ին կայացած «ՀուԶանք ու Զանգ» ներկայացմանը ՀՀ կրթության, գիտության, մշակույթի և սպորտի նախարարությունից տրամադրված 2.7 միլիոն դրամից 1.5 միլիոն դրամը (ներառյալ՝ հարկերը) տրամադրվել է կազմակերպական և բեմադրական խմբի վարձատրությանը երկու՝ սեպտեմբեր-հոկտեմբեր ամիսների համար։ Այս մասին տեղեկանում ենք ԿԳՄՍՆ-ի և ներկայացումը բեմադրած «ԱԺԶ» ՀԿ պայմանագրից:

1.5 միլիոն դրամից ծրագրի ղեկավարը (1 մարդ) ստացել է ամսական 300 000 դրամ, ծրագրի համակարգողը ևս այդքան է վարձատրվել:

Երաժշտական ձևավորողը 1 ամսվա համար վարձատրվել է 150 000 դրամով, նույնքան են կազմել նաև գրաֆիկ-դիզայների և վիդեո վիզուալացման, անիմացման մասնագետի՝ 1 ամսվա աշխատավարձերը:
Բեմադրության և զգեստների նկարչի մեկ ամսվա վարձատրությունը կազմել է 300 000 դրամ:

Երկու բեմական զգեստների պատրաստումը (նյութածախս, կարելավարձ, աքսեսուարներ) արժեցել է 100 հազար դրամ։

Տեխնիկայի վարձակալության ծախսերը կազմել են 330 000 դրամ, որից 280 000 դրամ՝ ձայնային տեխնիկայի լրակազմի (1 օր՝ 6 դինամիկ, 2 միկրոֆոն, 1 հնչյունային վահանակ), և 50 000 դրամ՝ պրոյեկտորի 1 օրվա վարձակալության համար:

Գովազդային նյութերի պատրաստման և տպագրության համար ծախսվել է 266 800 դրամ, որից 24 000 դրամը՝ ազդագրի, 26 000 դրամը՝ ինֆորմացիոն թերթիկի, 200 000 դրամ՝ գովազդային հոլովակի, 16 800 դրամ՝ սոցիալական կայքերում գովազդի՝ 7-օրյա տեղադրման համար:

«ՀուԶանք ու Զանգ» ներկայացման ծախսերը հայտնի են
«ՀուԶանք ու Զանգ» ներկայացման ծախսերը հայտնի են