Երևան`   +2 °C
Այսօր`   Երեքշաբթի, 10 դեկտեմբերի, 2019 թ.

Պորոշենկոյի կուսակցությունը մեկնաբանել է Զելենսկու՝ ՌԴ քաղաքացիություն ստանալու վերաբերյալ որոշումը

486
Երեքշաբթի, 13 օգոստոսի, 2019 թ., 19:15
Պորոշենկոյի կուսակցությունը մեկնաբանել է Զելենսկու՝ ՌԴ քաղաքացիություն ստանալու վերաբերյալ որոշումը

«Քաղաքական համոզմունքների պատճառով հետապնդման ենթարկված» ռուսաստանցիների համար ուկրաինական քաղաքացիություն շնորհելու կարգի պարզեցման մասին քայլը Պորոշենկոյի կուսակցությունը հապճեպ է անվանել։ Այս մասին հայտնել է Ուկրաինայի նախկին փոխվարչապետ և «Եվրոպական համերաշխություն» կուսակցության ընտրված պատգամավոր Իվաննա Կլիմպուշ-Ցինցաձեն:

«Այս քայլը կարծես քաղաքական PR է, այս քայլը նման է Ուկրաինայի պատասխանին այն փաստին, որ Ռուսաստանի Դաշնությունը որոշեց պարզեցնել Ռուսաստանի քաղաքացիության տրամադրումը նրանց, ովքեր գտնվում են գրավյալ տարածքներում»,-ասաց Կլիմպուշ-Ցինցաձեն:
Ինչպես ավելի վաղ հայտնի էր դարձել, նախագահ Վլադիմիր Զելենսկին կառավարությանը հանձնարարել էր օրինագիծ պատրաստել ռուսներին ուկրաինական քաղաքացիություն շնորհելու կարգի պարզեցման մասին: Հրամանագրի համաձայն՝ հեշտացված կարգը կտարածվի նաև արտասահմանցիների և քաղաքացիություն չունեցող անձանց վրա, ովքեր մասնակցել են «Ուկրաինայի ազգային անվտանգության և պաշտպանության ապահովմանը»: