Կրկին սկանդալ «Եվրոտեսիլ»-ում. Մադոննան ու իսլանդացիները պարզել են Պաղեստինի դրոշը

Իսրայելի մայրաքաղաք Թել Ավիվում «Եվրոտեսիլ» մրցույթի եզրափակիչ փուլում ուղիղ եթերում ցուցադրել են Պաղեստինի դրոշը, գրում է The Jerusalem Post-ը: Ամերիկացի փոփ աստղ Մադոննայի ելությի ժամանակ, ով հրավիրվել էր հյուրի կարգավիճակում, երկու պարողներ դրոշներ են ցուցադրել իրենց մեջքի վրա: Դրանցից մեկը Իսրայելինն է եղել, մյուսը՝ Պաղեստինինը:

Ավելի ուշ արդյունքների հրապարկման ժամանակ կադրում երևացել են Իսպանիայի հավակնորդները: Խմբի անդամներից մեկի ձեռքին եղել է դրոշ, մյուսի ձեռքին՝ «Պաղեստին» գրությամբ պաստառ: Իսլանդական Hatari խումբը նախկինում էլ պարբերաբար քննադատել է Իսրայելի վերաբերմունքը Պաղեստինի նկատմամբ:

Եվրոպական հեռարձակողների միությունը դատապարտել է Մադոննայի և իսլանդացի մասնակիցների արարքը՝ հայտարարելով, որ «Եվրոտեսիլ»-ը քաղաքական հարթակ չէ: Հնարավոր է՝ Իսլանդիան պատիժ կրի: