Առաջին անգամ «Միսս ԱՄՆ», «Միսս Ամերիկա» և «Միսս դեռահաս ԱՄՆ» անվանակարգերում հաղթել են սևամորթ կանայք

Ամերիկյան գեղեցկության մրցույթների պատմության մեջ առաջին անգամ «Միսս ԱՄՆ», «Միսս Ամերիկա» և «Միսս դեռահաս ԱՄՆ» անվանակարգերում միաժամանակ հաղթող են ճանաչվել սևամորթ կանայք: Այս մասին հաղորդում է CNN-ը:

1920-ական թթ. ԱՄՆ-ում մեկնարկած մրցույթներն ըստ մաշկի գույնի արգելափակում էին կանանց մասնակցությունը: Անգամ այն ժամանակ, երբ մրցութային կազմակերպությունները փոխեցին կանոնները, խտրականությունն, այնուամենայնիվ, պահպանվում էր:

Միայն վերջին 50 տարիների ընթացքում է, որ սևամորթ կանայք սկսել են գերակշռել նման մրցույթներում: 1983-ին Վանեսա Վիլիամսը դարձավ առաջին սևամորթ «Միսս Ամերիկան», 1990-ին էլ Քարոլ Էն-Մարի Գիստը դարձավ առաջին սևամորթ «Միսս ԱՄՆ»-ն: 1991-ին «Միսս դեռահաս ԱՄՆ» անվանակարգում առաջին անգամ հաղթող ճանաչվեց սևամորթ Ջանըլ Բիշոփը:

Այսպիսով, երբ Չեսլի Քրիստը «Միսս ԱՄՆ 2019»-ի հաղթող ճանաչվեց, նա դարձավ պատմական սևամորթ եռյակի անդամը, որի մյուս անդամներն են «Միսս դեռահաս ԱՄՆ» անվանակարգի հաղթող Գարիսն ու «Միսս Ամերիկա 2019-ի» տիտղոսը կրող Ֆրանկլինը: