Պատկերավոր այն մասին՝ ինչու է կարևոր ամրագոտի կապելը

Նոր Զելանդիայի տրանսպորտի նախարարությունը տպավորիչ կերպով բացատրել է ավտովարողներին ու ուղևորներին՝ ինչու է այդքան կարևոր ամրագոտի կապելը: Նախարարությունը ֆոտոսեսիայի է հրավիրել նրանց, ում կյանքը դաժան ավտովթարում փրկվել է ամրագոտիների շնորհիվ:

Այդ մարդկանց մարմիններին դիմահարդարները պատկերել են ամրագոտու թողած հետքերն ու ավտովթարից ստացած վնասվածքների նմանվող վերքեր:

Ֆոտոսեսիայի մասնակիցները պատմել են, որ ամրագոտիներն իսկապես նմանատիպ հետքեր են թողնում՝ կարծես հիշեցում, որ իրենք են փրկել նրանց կյանքերը: