Երկարատև դադարից հետո 50-ամյա Սելին Դիոնը երևացել է հանրությանը՝ երիտասարդ տղամարդու ուղեկցությամբ (տեսանյութ)

2016 թվականը շատ ծանր տարի էր աշխարհահռչակ երգչուհի Սելին Դիոնի համար: Հունվարի 14-ին քաղցկեղի դեմ երկարատև պայքարից հետո մահացավ նրա սիրելի ամուսինը՝ Ռենե Անժելիլը, իսկ երկու օր անց դարձյալ քաղցկեղից մահացավ երգչուհու եղբայրը: Նրանց կորուստը երգչուհին շատ ծանր տարավ, երկար ժամանակ նա խուսափում էր լրագրողներից ու չէր այցելում բարձրաշխարհիկ միջոցառումներին: Այս ողբերգությունից 3 տարի անց Սելին Դիոնը վերջապես որոշել է երևալ հանրությանը՝ այցելելով Փարիզի Նորաձևության շաբաթին:

Երկրպագուներին անչափ ուրախացրել է երգչուհու հետ հանդիպումը, սակայն նրա տեսքը նրանց զարմանք է պատճառել: Նախկին գեղեցկուհուց հետք անգամ չի մնացել, այժմ նա չափազանց նիհարած է ու հյուծված:

Փարիզում կարճատև հանգստի ժամանակ Սելին Դիոնը հասցրել է հանդես գալ տարբեր՝ մեկը մեկից արտառոց ու էքստրավագանդ զգեստներով:

Ամենաշատ ուշադրությանն է արժանացել Alexandre Vauthier-ի՝ խորը լանջաբացվածքով զգեստը, որը երգչուհին լրացրել էր օդաչուական գլխարկով ու արևապաշտպան ակնոցներով:

Հարկ է նշել, որ ամբողջ ժամանակ երգչուհուն ուղեկցել է 33-ամյա պարող Պեպե Մունյոսը:

Արդեն մի տարի է, ինչ համացանցում լուրեր են պտտվում, թե վերջինը Դիոնի նոր զուգընկերն է, սակայն Պեպեն ավելի վաղ հերքել էր՝ ասելով. «Մենք երկուսով ծիծաղում ենք այդ ասեկոսեների վրա: Ես պարզապես կարող եմ նրա վրա հույս դնել, երբ խոսելու կարիք ունեմ, նա միշտ պատրաստ է ինձ լսել: Սելինը շատ անկեղծ կին է, երբեք չի խաբի, նա այնպիսին է, ինչպիսին կա՝ նուրբ, քնքուշ, առատաձեռն, միշտ պատրաստ՝ քեզ ժամանակ տրամադրելու»:

Սակայն նրանց գորգուրանքներն ու գրկախառնումները միայն ավելի են սրում վերանշյալ կասկածները: