Մեգան Մարքլը սեփական զինանշան է ստացել

Արքայազն Հարիի նորաթուխ հարսնացու Մեգան Մարքլը հարսանեկան արարողությունից հետո իր սեփական զինանշանն է ստացել, փոխանցում է mir24.tv-ն:

Դիզայնին հավանություն են տվել անձամբ Մեծ Բրիտանիայի թագուհի Ելիզավետա II-ն ու Հերալդիական պալատի հերոլդ-վարպետ Թոմաս Վուդքոքը:

Ըստ կանոնների՝ զինանշանի մի մասը վերաբերում է կնոջը, մյուս մասը՝ ամուսնուն: Մեգան Մարքլին ներկայացնում է թռչունը, իսկ արքայազնին՝ առյուծը:

Հիշեցնենք, որ արքայական հարսանիքը տեղի էր ունեցել մայիսի 19-ին Վինձորի պալատում: Արքայական հարսանիքի համար ծախսվել էր մոտ 43 միլիոն դոլար: