Dolce&Gabbana-ն մոդելներին փոխարինել է անօդաչու թռչող սարքերով

Իտալական Dolce&Gabbana նորաձևության տունը Միլանում նորաձևության շաբաթի ժամանակ իր աքսեսուարները ցուցադրել է անօդաչու թռչող սարքերի օգնությամբ:

Սարքերը, որոնց ամրացված են եղել պայուսակները, թռիչք են կատարել ետնաբեմում և պոդիումի վրա:

Ցուցադրության տեսագրությունը հրապարկվել է Twitter-ում:

The Cut-ը նշում է, որ շոուի սկիզբը հետաձգվել է 45 րոպեով, և ցուցադրությունը քիչ էր մնում խափանվեր հյուրերի սմարթֆոնների վրա միացված Wi-Fi-ի պատճառով, քանի որ այն խանգարում էր անօդաչու թռչող սարքերի կառավարմանը: Երբ պարզվել է, որ չնայած տարբեր լեզուներով արված նախազգուշացմանը, ներկաների մի մասն այդպես էլ չի անջատել Wi-Fi-ը, ցուցադրության կազմակերպիչները բարձր հայտարարել են սոցցանցերում նրանց անունները: