Էլթոն Ջոնը հայտարարել է բեմից հեռանալու մասին

Բրիտանացի երգիչ Էլթոն Ջոնը հայտարարել է, որ դադարեցնում է համերգային գործունեությունը, փոխանցում է Reuters-ը:

Արտիսիտ խոսքով՝ բեմը լքելուց առաջ նա հրաժեշտի շրջագայություն կանցկացնի: Այն կսկսվի 2018թ. սեպտեմբերին:

Ջոնն իր որոշումը բացատրել է նրանով, որ իր համար փոխվել են առաջնահերթությունները: Այժմ երաժիշտի համար առաջին տեղում են իր երեխաներն ու մտերիմները:

70-ամյա արտիստը նաև հերքել է այն տեղեկատվությունը, որ կարիերան ավարտում է առողջական խնդիրների պատճառով: