«Ամեն ինչ սիրով էր արված». Սիրուշո

Սիրուշոն դեկտեմբերի 17-ին Ավստրալիայի ամենամեծ քաղաքներից մեկում՝ Սիդնեյում ներկայացավ մենահամերգով:

Երգչուհին «Արմատ» ձայնասկավառակի երգերից բացի ներկայացրել է նաև «Քելե-քելե», «Էռոտաս» և այլ սիրված կատարումներ:

Համերգի իր տպավորություններով Սիրուշոն կիսվել է սոցցանցերի իր էջերում: «Սիդնեյ, շնորհակալ եմ այս աստիճան ջերմ ընդունելության համար։ Այս օրերի ընթացքում այնպես եք ողողել ձեր սիրով, խոսքերով, ծափերով, նամակներով ու հուշանվերներով, որ դժվարությամբ հեռացանք: Մեզ համար այս շրջագայությունը լի էր հաճելի անակնկալներով՝ հայ համայնքի կազմակերպվածության աստիճանից մինչև Sirusho Team Sydney շապիկներ: Ամեն ինչ մտածված էր ու արված սիրով, ինչի համար շնորհակալ եմ: Միշտ կմնաք իմ հուշերում»: