Հայտնի է արքայազն Հարիի և Մեգան Մարքլի ամուսնության օրը

Քենսինգթոնյան պալատը հայտնել է, որ արքայազն Հարիի և դերասանուհի Մեգան Մարքլի պսակադրությունը կկայանա 2018թ. մայիսի 19-ին, հաղորդում է BBC-ն:

Նոյեմբերին զույգն անսպասելի հայտարարել էր նշանադրության մասին: Այդ ժամանակ հայտնի էր դարձել, որ պսակադրությունը կկայանա Լոնդոնի մոտակայքում գտնվող Վինձոր ամրոցի Սուրբ Գեորգի մատուռում:

Բրիտանական թագավորական ընտանիքը վճարում է հարսանիքի համար՝ արարողության անցկացման, երաժշտության, ծաղիկների և տոնական ընդունելության համար:

Պսակադրությունից առաջ 36-ամյա հարսնացուն կմկրտվի և անմիջապես կկայանա նախահաղորդությունը: