Արգենտինայի ռազմածովային և ռազմաօդային ուժերն Իրանի կողմից ճանաչվել են որպես ահաբեկչական կազմակերպություններ

Արգենտինայի ռազմածովային և ռազմաօդային ուժերն Իրանի կողմից ճանաչել են որպես ահաբեկչական կազմակերպություններ՝ ի պատասխան Բուենոս Այրեսի՝ Իրանի Իսլամական հեղափոխության պահապանների կորպուսը (ԻՀՊԿ) ահաբեկչական կազմակերպությունների ցանկում ներառելու որոշման։ Այս մասին ասվում է Իրանի ԱԳՆ հայտարարության մեջ։

Հայտարարության համաձայն՝ Արգենտինայի որոշումը հակասում է միջազգային իրավունքի հիմնարար սկզբունքներին, իսկ ԻՀՊԿ-ն Իրանի զինված ուժերի պաշտոնական կառուցվածքի հիմնական հենասյուներից մեկն է։ Հայտարարության մեջ ընդգծվում է, որ այդ որոշման հետևանքների պատասխանատվությունը կրում է Արգենտինայի կառավարությունը։

Արգենտինայի իշխանություններն ԻՀՊԿ-ն ահաբեկչական կազմակերպություն են ճանաչել ապրիլին։ Որոշման հիմքում նշվել են Բուենոս Այրեսում տեղի ունեցած երկու ահաբեկչությունները՝ 1992 թվականին Իսրայելի դեսպանատան շենքում տեղի ունեցած պայթյունը և 1994 թվականին հրեական համայնքային AMIA կենտրոնում իրականացված ահաբեկչությունը։ Արգենտինան կարծում է, որ դրանց հետևում կանգնած է Իրանը։