«Նույն մակարդակի քարոզարշավ իրականացրած ուժերին մարդիկ ընտրել ու գործուղել են Ազգային ժողով». Շահեն Հարությունյան

«Շանթ» կուսակցության առաջնորդ Շահեն Հարությունյանը՝ Շանթ Հարությունյանի որդին, ֆեյսբուքյան իր էջում գրել է. «Այսօրվա ԱԺ ծեծուջարդից զարմանալ պետք չէ։ Պետք է պարզապես առերեսվել իրականության հետ և հաշվի նստել դրա հետ։ Նույն մակարդակի քարոզարշավ իրականացրած ուժերին մարդիկ ընտրել ու գործուղել են Ազգային ժողով։
Ցավոք, այսօր Հայաստանում ոչ միայն քաղաքական մշակույթն է բացակայում, այլև օրեցօր կորչում է հենց պետության իմաստն ու արժեքը։
Քանի դեռ ուշ չէ, պետք է գնալ համակարգային փոփոխությունների։ Արտահերթ ընտրությունները չպետք է ինքնանպատակ լինեն։ Խնդիրը միայն մարդկանց կամ քաղաքական ուժերի փոփոխությունը չէ․ պետք է փոխվեն նաև հասարակական պահանջներն ու քաղաքականության նկատմամբ մեր պատկերացումները։
Պետք է խորհրդարան գործուղվեն այլ արժեքներ կրող մարդիկ, որոնք պատվով կստանձնեն ժողովրդի ներկայացուցչի պատասխանատվությունը և արժանապատվորեն կներկայացնեն մեր երկիրը։