ԱՄՆ-ն Իրանի մերձակայքում ռազմանավերի թիվը մեկ շաբաթում հասցրել է 21-ի

Իրանի մերձակայքում տեղակայված ԱՄՆ ռազմածովային ուժերի նավերի թիվը մեկ շաբաթվա ընթացքում 17-ից հասել է 21-ի։ Այս մասին վկայում են ԱՄՆ ռազմածովային ինստիտուտի տեղեկատվական ծառայության տվյալները։

Ներկայումս Արաբական ծովում՝ Իրանից հարավ-արևելք, մարտական հերթապահություն են իրականացնում ԱՄՆ ռազմածովային ուժերի երկու ավիակիր հարվածային խմբեր՝ «USS George Washington» և «USS George Bush» ավիակիրների գլխավորությամբ։ Դրանցից յուրաքանչյուրի վրա տեղակայված է 48 կործանիչ։

Ավիակիրների հետ միասին Իրանի մերձակայքում տեղակայված են նաև մեկ հրթիռային հածանավ, 11 հրթիռային էսկադրային ականակիր և երեք խոշոր դեսանտային նավ՝ ծովային հետևակի էքսպեդիցիոն գումարտակով։

Միևնույն ժամանակ, Կարմիր ծովի շրջանում, Եմենի հակամարտության ֆոնին, գործում են ԱՄՆ-ի երկու հրթիռային էսկադրային ականակիրներ։ Եվս երկու ամերիկյան էսկադրային ականակիր գտնվում է Հնդկական օվկիանոսի հյուսիսարևմտյան հատվածում։

Իրանի դեմ ԱՄՆ-ի ռազմական գործողությունների ընթացքում տարածաշրջանում նույնպես տեղակայված էր ավելի քան 20 ամերիկյան ռազմանավ։