Բուլղարիայում նախագահական ընտրությունների երկրորդ փուլ կանցկացվի

Բուլղարիայի նախագահի և փոխնախագահի ընտրություններում առաջատարը Իլիանա Յոտովայի և Կիրիլ Վալչևի զույգն է՝ ձայների 34,69%-ով։ Այս մասին վկայում են Կենտրոնական ընտրական հանձնաժողովի հրապարակած տվյալները՝ քվեաթերթիկների 99%-ի հաշվարկից հետո։ Երկրորդ տեղում Անդրեյ Գուրովի և Գեորգի Կանդևի զույգն է՝ ընտրողների ձայների 31,98%-ով։

Ընտրողների մասնակցությունը չի գերազանցել 50%-ը, ինչը նշանակում է, որ նոյեմբերի 1-ին Բուլղարիայում տեղի կունենա ընտրությունների երկրորդ փուլը։ Նախագահի և փոխնախագահի պաշտոնների համար կպայքարեն Յոտովա-Վալչև և Գուրով-Կանդև զույգերը։

Բուլղարիայում նախագահական արտահերթ ընտրություններ են անցկացվում, քանի որ երկրի նախկին նախագահ Ռումեն Ռադևը հունվարին հրաժարական է տվել՝ տարվա սկզբին երկրում անցկացված խորհրդարանական ընտրություններին մասնակցելու համար։ Ներկայումս նա զբաղեցնում է վարչապետի պաշտոնը։ Ռադևի հրաժարականից հետո Յոտովան դարձել է Բուլղարիայի ժամանակավոր նախագահը։