«Եթե ԵԱՏՄ-ն կասեցնի ՀՀ անդամակցությունը, ներկրվող ապրանքները թանկանալու են 20 տոկոսով»․ Հայկ Ֆարմանյան

«Չի կարելի հարաբերությունները փչացնելու ուղղությամբ գնալ, պետք է վարել թե արտաքին, թե տնտեսական հավասարակշռված քաղաքականություն»,- խոսելով ՀՀ-ԵԱՏՄ հարաբերությունների մասին՝ ասել է ԱԺ «Ուժեղ Հայաստան» խմբակցության պատգամավոր Հայկ Ֆարմանյանը։
«Եթե ԵԱՏՄ-ն կասեցնի ՀՀ անդամակցությունը, բացի գազի գնի թանկացումից, այն կանխատեսում է ՀՆԱ-ի 15 տոկոս անկում, գնաճ 15 տոկոս, արտաքին առևտրի ծավալների շուրջ 3 տոկոսով անկում։ Ամենագլխավորը, ՀՀ-ն գտնվում է ազատ մաքսային ռեժիմի մեջ, որի վերանալու պարագայում նշանակում է, որ ներկրվող ապրանքները, որոնք շուրջ 4-5 միլիարդ դոլար են, ավտոմատ թանկանալու են 20 տոկոսով՝ միայն մաքսատուրքերի հաշվին։ Չի բացառվում նաև, որ աշխատանքային միգրանտները, որոնք գտնվում են ՌԴ-ում, շատ ավելի վատ պայմաններում հայտնվեն և վերադառնան, որոնք մեր երկրում մնալու են գործազուրկ»,- շարունակել է ընդդիմադիր պատգամավորը։