Հրաձգություն՝ Հորդանան գետի արևմտյան ափին․ կան զոհեր և վիրավորներ

Հորդանան գետի արևմտյան ափին հրաձգություն է տեղի ունեցել։ Այս մասին հայտնում է Իսրայելի պաշտպանության բանակի մամուլի ծառայությունը։ ««Հուդեա» խաչմերուկի շրջանում հրազենի կիրառմամբ հարձակումից հետո Իսրայելի պաշտպանության բանակի (ՑԱՀԱԼ) զինծառայողները ոչնչացրել են երկու ահաբեկչի և շարունակում են տարածքի զննությունը»,- ասվում է հաղորդագրության մեջ։ Մամուլի ծառայությունը հավելել է, որ զինծառայողներն այդ շրջանում անցակետեր են տեղադրում։

Իսրայելի շտապօգնության ծառայությունը հայտնել է, որ հարձակման հետևանքով հինգ մարդ է վիրավորվել։ Նրանցից երկուսի վիճակը գնահատվում է ծայրահեղ ծանր։