Հուսիները հայտնել են Սաուդյան Արաբիայի պաշտպանության նախարարության շենքի վրա հարձակման մասին

Եմենի հյուսիսում իշխող «Անսար Ալլահ» շարժումը (հուսիները) հայտարարել է Սաուդյան Արաբիայի մայրաքաղաք Էր Ռիադում երկրի պաշտպանության նախարարության վրա հարձակման մասին։

«Վերջին 48 ժամվա ընթացքում մենք Եմենի բալիստիկ հրթիռների և անօդաչու թռչող սարքերի կիրառմամբ չորս ճշգրիտ ռազմական գործողություն ենք իրականացրել։ Առաջին գործողությունն ուղղված էր Սաուդյան Արաբիայի մայրաքաղաք Էր Ռիադում գտնվող պաշտպանության նախարարության շենքի դեմ։ Հարվածը ճշգրիտ էր», — Al Masirah հեռուստաալիքի եթերում հայտնել է հուսիների զինված ուժերի ներկայացուցիչ Յահյա Սարիան։

Նրա խոսքով ՝ մյուս գործողություններն ուղղված են եղել թագավորության արևմուտքում՝ Յանբուում գտնվող Aramco նավթագազային ընկերության օբյեկտի, Դամամի և Աբհայի միջազգային օդանավակայանների դեմ: