ԱՄՆ Արիզոնա նահանգում գոլֆի գնդակի չափ կարկուտ է տեղացել

ԱՄՆ Արիզոնա նահանգի հյուսիսային և կենտրոնական շրջաններում հազվադեպ փոթորիկ է մոլեգնել՝ իր հետ բերելով գոլֆի գնդակի չափ կարկուտ, ավերիչ ուժգնության քամիներ, տորնադոների վտանգ և հանկարծակի հեղեղումների հավանականություն, հայտնում է ABC News-ը։

Հաղորդվում է, որ կարկուտը վնասել է տների տանիքներ, կոտրել պատուհաններ և փոսեր առաջացրել ավտոմեքենաների թափքերի վրա։

Նահանգի մի շարք շրջաններում տորնադոյի վտանգի մասին նախազգուշացումներ են հայտարարվել։ Արիզոնայում նման նախազգուշացումներ վերջին անգամ հրապարակվել էին 2010 թվականի հոկտեմբերին։

«Տարվա այս ժամանակահատվածում այս տարածաշրջանի համար սա խիստ անսովոր երևույթ է», — նշել է Ֆլագստաֆում ԱՄՆ Ազգային օդերևութաբանական ծառայության օդերևութաբան Ռայան Բերնհարթը։

Ուժեղ քամիները ծառեր են տապալել Ֆլագստաֆում և Մեսայում։ Որոշ ծառեր ընկել են պատերի և ավտոմեքենաների համար նախատեսված ծածկերի վրա։