Փարիզում ուսանողները փակել են Լուվրի մուտքերը՝ հաջակցություն դպրոցականների բողոքի ցույցերի

Փարիզում ցուցարարները փակել են Լուվրի մուտքերը՝ թույլ չտալով, որպեսզի թանգարանը բացվի։ Ակցիայի մասնակիցներն իրենց աջակցությունն են հայտնել Ֆրանսիայի ավագ դպրոցների աշակերտներին, որոնք արդեն մի քանի շաբաթ է՝ պահանջում են փոփոխություններ կրթական համակարգում։ Այս մասին հայտնում է The Guardian-ը՝ հղում կատարելով թանգարանի ղեկավարության և արհմիությունների ներկայացուցիչներին։ Լուվրի վարչակազմի տեղեկություններով՝ մուտքերի արգելափակումը կազմակերպել են Լուվրի դպրոցի ուսանողները, որոնք միացել են աշակերտների համազգային շարժմանը։ Ցուցարարները նաև բողոքել են դպրոցականների նախորդ ցույցերի ընթացքում ոստիկանության գործողությունների դեմ։