Իրանի ԱԳ նախարար Արաղչին Մակրոնին կոչ է արել ունկնդիր լինել հանրային պահանջին

Պարոն Մակրոնը ինքն է իր համար այս իրավիճակը ստեղծել, երբ ԱՄՆ նախագահին հավաստիացրել է, որ ողջունում է իրանցիների դեմ իրականացվող վայրագությունները։ Այս մասին X-ի իր էջում գրել է Իրանի ԱԳ նախարար Աբբաս Արաղչին։

«Արդեն ուշ է մեղքը բարդել պատերազմի վրա, որի հրահրմանը նպաստել են նրա նմանները։ Ֆրանսիայի ժողովուրդը պահանջում է համապարփակ փոփոխություններ, այդ թվում՝ հավաքների ազատության ապահովում։

Լսե՛ք Ֆրանսիայի ապագային, պարո՛ն նախագահ»,- նշել է նա։

Հիշեցնենք, որ Ֆրանսիայի նախագահ Էմանուել Մակրոնը նախօրեին հեռուստատեսային ուղերձով անդրադարձել է երկրում տեղի ունեցած անկարգություններին՝ հայտարարելով, որ խաղաղ ցուցարարների մտահոգությունները կապված են կյանքի թանկացման և վառելիքի գների աճի հետ, որոնք, նրա խոսքով, պայմանավորված են Պարսից ծոցի հակամարտությամբ։ Նա նշել է, որ Ֆրանսիան չի մասնակցել այդ հակամարտությանը, սակայն կրում է դրա հետևանքները։