«Դիլիջանի աղբավայրը միտումնավոր հրդեհում են»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը. «Դիլիջանի աղբավայրը միտումնավոր հրդեհում են, տեսչական մարմինն ասում է՝ աղբավայրն ինքնայրվում է.
Բնապահպանության և ընդերքի տեսչական մարմնի ղեկավար Հովհաննես Մարտիրոսյանին հարցում եմ արել Դիլիջան համայնքի աղբավայրի վատթար վիճակի,այնտեղ բռնկվող հրդեհների վերաբերյալ։ Տեսչական մարմնից պատասխանել են․ «Բնապահպանության և ընդերքի տեսչական մարմնի կողմից 2025-2026 թվականներին իրականացված վերահսկողական գործառույթների շրջանակներում Տավուշի մարզի Դիլիջան համայնքի աղբավայրում արձանագրվել է հրդեհի բռնկման 22 դեպք, որից 2-ով Տեսչական մարմնում հարուցված վարչական վարույթի նյութերն ուղարկվել են ՀՀ ՆԳՆ ոստիկանության համայնքային ոստիկանության գլխավոր վարչության (այսուհետ՝ ՀՈԳՎ) Դիլիջանի բաժին, 20-ով՝ Տավուշի մարզպետարան՝ իրենց լիազորությունների շրջանակում համապատասխան միջոցներ ձեռնարկելու համար։ Հարուցված վարչական վարույթների շրջանակներում, ինչպես նաև ՀՀ ՆԳՆ ոստիկանության ՀՈԳՎ Դիլիջանի բաժնից ստացված տեղեկատվության համաձայն՝ բոլոր դեպքերով տեղի է ունեցել աղբի ինքնաբռնկում (ինքնայրում)»։ Դիլիջանի աղբավայրում հրդեհները շատ հաճախ են բռնկվում, Բնապահպանության և ընդերքի տեսչական մարմինը 2 տարում ընդամենը 22 դեպք է արձանագրել։ Որպես հրդեհների պատճառ նշվել է ինքնայրումը, սակայն Դիլիջան համայնքի բնակիչների կարծիքով՝ համայնքի աղբավայյրը միտումնավոր են հրդեհում, այդ հրդեհներով համայնքի աղբավայրը «մաքրում, բարեկարգում են»»: